32 bet

Болалар нафас йўллари касалликлари ичида бронхит энг кўп тарқалгандир. Ушбу ҳолат респиратор йўлларини шиллиқ қават майдонини ташқи мухит билан узвий боғлиқлигининг натижасидир. Юқоридагилар бронх шиллиқ қавати томонидан турли хил патогенетик реакцияларни  пайдо бўлишига, хатто яллиғланишгача олиб келади. Ушбу ўзгаришлар кейинчалик бронх шиллиқ қавати томонидан қайталанувчи ёки асоратланган яллиғланиш жараёни пайдо бўлишига асос бўлади.

 Ўпка ҳажми кичик, 1 см тана узунлигига 4 мл ўпка ҳажми тўғри келади, 8 ёшда- 18 мл, катталарда эса 31 мл га тенг. Ҳаво йўллари калта, респиратор бронхиал ва альвеолалар сони оз. Ўпка сегментлари бир-бирларидан бириктирувчи тўкима билан чегараланган, шунинг учун ҳам сегментар ва полисегментар пневмониялар кўп учрайди. Эластик тўқимаси кам, бириктирувчи тўқимага бой бўлиб, қон-томирлар билан мўл-кўл таъминланган. Альвеолалар орасида эластик тўкима суст ривожланган. Шунинг учун ҳам қон димланиш, эмфизема, яллиғланиш жараёнлари бошланишига қулай шароит яралади. ..  Респиратор вируслар нафас йўлларининг шиллиқ  қавати эпителийсини зарарлайди. Эпителий дегенерацияга учрайди, трахея ва бронх киприкча хужайралари йўқолиб, мукоцилиар экскалаторни тўхташига, мукостазга ва бронх девори дренажини бузилишига олиб келади. Нафас йўллари эпителий қатламига ва бронх шиллиқ ости томир деворларига вирусларни бирламчи токсик таъсири натижасида бронх деворлари шишади ва шиллиқ безлар секрецияси ошади, хамда шу ўзгаришлар натижасида бронх ичида балғам пайдо бўлади.