Soff.uz platformasidan foydalanish qonun-qoidalari

1. Umumiy qoidalar

1.1. Siz Soff.uz platformasiga tashrif buyurar ekansiz quyida belgilangan qonun-qoidalar va shartlarga o’z roziligingizni bildirgan hisoblanasiz.

1.2. Soff.uz platformasida (keyingi o’rinlarda «Platforma» deb yuritiladi) taqdim etilayotgan xizmatlar, biznes rejalar, ma’lumotlar, qo’llanmalar, referatlar, prezentatsiyalar va boshqalar shartli ravishda mahsulot deb nomlanadi. Ular faqatgina ma’lumotlar hisoblanib, foydalanish, o’qib-o’rganish uchun mo’ljallangan.

1.3. Platformaning «Biznes xizmatlar» bo’limida keltirilgan xizmatlar tomonlar o’rtasida tuzilgan, o’zaro tasdiqlangan shartnomalar asosida tartibga solinadi.

2. Foydalanuvchi bo’lib ro’yxatdan o’tish

Platformada mavjud mahsulotlarni xarid qilish, foydalanish va boshqalarni amalga oshirish uchun Platformadan «Foydalanuvchi» bo’lib ro’yxatdan o’tish lozim. Ro’yxatdan o’tish davomida foydalanuvchi barcha ma’lumotlar haqqoniy va to’g’ri to’ldirilishiga javobgar hisoblanadi.

3. Sotuvchi bo’lib ro’yxatdan o’tish

Platformada o’z mahsulotlarini sotish orqali daromad qilish va boshqalarni amalga oshirish uchun Platformadan «Sotuvchi» bo’lib ro’yxatdan o’tish lozim. Ro’yxatdan o’tish davomida sotuvchi barcha ma’lumotlar haqqoniy va to’g’ri to’ldirilishiga javobgar hisoblanadi.

4. Foydalanuvchilarning huquq va majburiyatlari

4.1. Foydalanuvchilar quyidagi huquqlarga ega:

4.1.1. Platforma tizimida erkin ro’yxatdan o’tish;

4.1.2. Platforma tomonidan taqdim etilayotgan xizmatlardan foydalanish;

4.1.3. Xarid qilingan mahsulotlardan erkin foydalanish (mahsulotlardan tijorat hamda foyda olish maqsadida foydalanish taqiqlanadi);

4.1.4. Xarid qilingan mahsulot bo’yicha xabarnomalarni ro’yxatdan o’tish davomida foydalanuvchi tomonidan kiritilgan elektron pochta (e-mail) yoki telefon raqam orqali qabul qilib olish (4.2.4. shart bajarilgan taqdirda) yoki o’zining shaxsiy profilidagi «Sotib olinganlar» sahifasiga kirish orqali qabul qilib olish;

4.1.5. Foydalanuvchi xarid qilingan mahsulotni yuklab olinish jarayonida muammo yuzaga kelgan holatda platforma ma’muriyatiga amalga oshirilgan to’lovni qaytarib berish bo’yicha murjaat qilgan taqdirdagini pulini qaytarib olish;

4.1.6. Platforma ma’muriyatiga murojaat qilish huquqlariga ega.

4.2. Foydalanuchilar quyidagi majburiyatlarni bajarishlari shart:

4.2.1. Foydalanuvchi Platforma tizimida ro’yxatdan o’tish davmida so’ralgan ma’lumotlarni to’g’ri kiritishi shart;

4.2.2. Platforma foydalanuvchilari o’zaro aloqalar davomida beadab, haqoratli va behurmat qiladigan jumlalardan foydalanish hamda O’zbekiston Respublikasining amaldagi qonunchiligida taqiqlangan boshqa ma’lumotlarni o’z ichiga oluvchi xabarlarni jo’natish taqiqlanadi.

4.2.4. Ro’yxatdan o’tish jarayonida amalda mavjud bo’lgan, ishlaydigan elektron manzil (e-mail) yoki telefon raqam kiritish shart;

4.2.5. Foydalanuvchi Platformaning foydalanish qonun-qoidalarida belgilangan talablarni to’liq bajarishi shart.

5. Sotuvchining huquq va majburiyatlari

5.1. Sotuvchilar quyidagi huquqlarga ega:

5.1.1. Platforma tizimida erkin ro’yxatdan o’tish;

5.1.2. Platforma tomonidan taqdim etilayotgan xizmatlarga o’z mahsulotlarini qo’shish;

5.1.3. Mahsulotlaridan bepulga yoki tijorat hamda foyda olish maqsadida platformada ulashishlariga ruxsat etiladi (5.1.6. shart bajarilgan taqdirda);

5.1.4. Sotuvchinig sotilgan har bir mahsulotlari bo’yicha xabarnomalarni ro’yxatdan o’tish davomida foydalanuvchi tomonidan kiritilgan elektron pochta (e-mail) orqali qabul qilib olish (4.2.4. shart bajarilgan taqdirda) yoki o’zining shaxsiy profilidagi «Buyurtmalar» sahifasiga kirish orqali qabul qilib olish;

5.1.5. Sotuvchining sotilgan mahsulotlari yig’indisidan platforma ulishining (sotilgan mahsulotning 23% i) qiymatini ayirgan holatda hosil bo’lgan summani o’z kartalariga tashlab olish (5.2.5. shart bajarilgan taqdirda), shu bilan birga platforma o'z xizmat narxlarini yoki komissiya foizini vaqt o'tishi bilan o'z ehtiyojlariga qarab oshirish huquqini o'zida saqlab qoladi.

5.1.6. Sotuvchi faqat o‘ziga tegishli yoki muallifning ruxsati bilan joylashtirilgan mahsulotlarni sotishi mumkin.

5.1.7. Platforma ma’muriyatiga murojaat qilish huquqlariga ega

5.1.8. Sotuvchi referal havola orqali do'stlarini taklif qilish va do'stlarining har bir daromadidan 5% miqdorda bonus olish.

5.1.9. Sotuvchi tomonidan soff.uz platformasiga joylashtirilgan mahsulotlar SOFF'ga tegishli yoki hamkor platformalarda (ilmiyish.uz, diplomishlari.uz va boshqalarda) ham avtomatik tarzda joylashtiriladi va sotiladi hamda ushbu platformalardagi barcha savdolar Sotuvchining seller.soff.uz dagi profili orqali yagona hisobda birlashtirilgan holda aks ettiriladi.

5.2. Foydalanuchilar quyidagi majburiyatlarni bajarishlari shart:

5.2.1. Foydalanuvchi Platforma tizimida ro’yxatdan o’tish davmida so’ralgan ma’lumotlarni to’g’ri kiritishi shart;

5.2.2. Platforma sotuvchilari o’zaro aloqalar davomida beadab, haqoratli va behurmat qiladigan jumlalardan foydalanish hamda O’zbekiston Respublikasining amaldagi qonunchiligida taqiqlangan boshqa ma’lumotlarni o’z ichiga oluvchi xabarlarni jo’natish taqiqlanadi.

5.2.3. Ro’yxatdan o’tish jarayonida amalda mavjud bo’lgan, ishlaydigan elektron manzil (e-mail) yoki telefon raqam kiritish shart;

5.2.4. Sotuvchining yig’ilgan summasini kartasiga tashlab olish jarayonidan uning miqdori 35 ming so’mdan kam bo’lmasligi shart.

5.2.5. Sotuvchi Platformaning foydalanish qonun-qoidalarida belgilangan talablarni to’liq bajarishi shart

5.2.6. Sotuvchi yuklagan har bir mahsulotning sifatli, yaroqli va o'z ijodiy ishi ekanligiga javobgar. Xaridor yoki boshqa shaxslar norozilik bildirsa yoki mualliflik huquqi buzilsa, barcha javobgarlik Sotuvchida qoladi. Platforma mahsulotlarni moderatsiyadan o'tkazgan taqdirda ham xato yoki e'tibordan chetda qolgan holatlar uchun javobgar emas.

5.2.7. Sotuvchi platformada sotilgan har bir mahsulotining 23% ini platforma ma’muriyati olib qolishi shart.

5.2.8. Sotuvchi referal havola orqali o’zini-o’zi taklif qilgan holatlar aniqlansa, platforma ma’muriyati tomonidan ogohlantirish beriladi va ushbu taklif havolasi ro’yxatdan olib tashlanadi.

5.2.9. Sotuvchi o‘z ijtimoiy tarmoqlari, messenjerlari yoki boshqa tashqi platformalar orqali mijozlarni Soff.uz ga jalb qilishi va u yerda savdo qilish huquqiga ega. Bu yaxshi va qo‘llab-quvvatlanadi. Biroq sotuvchi platformaning chat tizimi yoki boshqa xizmatlari orqali mijozlarni tashqi platformalarga (Telegram, WhatsApp, Instagram va boshqalar) yo‘naltirish, shuningdek, savdoni Soff.uz tashqarisida davom ettirish taqiqlanadi. Bu qoidani buzgan sotuvchilar platformadan chetlashtirilishi mumkin.

5.2.10. Sotuvchi Platformada ishtirok etib, yuzaga kelgan soliq va byudjet to'lovlari bo'yicha javobgarligi yuzasidan O'zbekiston Respublikasining Soliq kodeksining 352, 386, 387, 393, 395, 396 va 397-moddalarining talablariga asosan mas'ul hisoblanadi.

5.2.11. Sotuvchi mahsulot yoki xizmat qo'shish hamda pul mablag'larini yechib olish uchun identifikatsiya jarayonidan o'tishi shart. Identifikatsiya uchun quyidagi ma'lumotlarni taqdim etish majburiy: pasport seriyasi va raqami, JShShIR, tug'ilgan sana, qo'shimcha telefon raqam, pasport nusxasi rasmi va o'zini o'zi band qiluvchi shaxs guvohnomasi. Ma'lumotlar platforma ma'muriyati tomonidan ko'rib chiqiladi va tasdiqlanganidan so'ng sotuvchiga mahsulot va xizmat qo'shish hamda daromadni kartaga yechib olish imkoniyati ochiladi.

6. Javobgarlik

6.1. Platforma ma’muriyati Foydalanuvchining noto’g’ri ma’lumot kiritishi va amallarni bajarishi sababli xarid qilishi jarayonida yuzaga kelgan zarar, ziyon yoki xarajatlar uchun javobgar emas.

6.2. Foydalanuvchi tomonidan xarid qilingan mahsulot foydalanuvchining Platformadagi o’z shaxsiy kabinetiga joylashtiriladi hamda elektron manziliga xabarnoma yuboriladi. Taqdim etilgan mahsulot foydalanuvchi tomonidan yuklab olinish yoki olinmasligidan qat’iy nazar, mahsulot foydalanuvchi tomonidan xarid qilingan va Platforma tizimida yetkazib berildi deya belgilanadi hamda amalga oshirilgan summa qaytarilmaydi. Shu sababli ro’yxatdan o’tish davomi amalda mavjud bo’lgan, ishlaydigan elektron manzil (Email) kiriting hamda to’lovni muvaffaqiyatli amalga oshirib bo’lganingizdan so’ng e-mailingizni ham tekshirib turing.

6.3. Platformada ro’yxatdan o’tish davomida kiritilgan ma’lumotlar haqqoniyligi uchun butun javobgarlik foydalanuvch hamda sotuvchining o’z bo’ynida bo’ladi.

6.4. Platforma ma’muriyati to’lovni amalga oshirish jarayonida yuzaga kelgan zarar uchun javobgar emas.

7. Foydalanuvchining shaxsiy ma’lumotlar daxlsizligi

Foydalanuvchilarning shaxsiy ma’lumotlarining daxlsizligi biz uchun juda muhim.

Biz quyidagi ma’lumotlarni statistik ko’rsatgichlarni aniqlash maqsadida to’playmiz va saqlaymiz:

– foydalanuvchilar Saytga kirish uchun foydalangan IP-manzili;

– Platformaga kirish uchun foydalanuvchi tomonidan ishlatilgan brauzer va operatsion tizim turi;

– Platformaga kirish muddatlari;

– foydalanuvchi ko’rib chiqqan sahifalar va havolalar;

Biz ushbu manzillardan foydalanuvchining shaxsini aniqlash maqsadida foydalanmaymiz, Saytga qilingan hurujlar bundan mustasno.

8. Sotuvchining shaxsiy ma’lumotlar daxlsizligi

Sotuvchining shaxsiy ma’lumotlarining daxlsizligi biz uchun juda muhim.

Biz quyidagi ma’lumotlarni statistik ko’rsatgichlarni aniqlash maqsadida to’playmiz va saqlaymiz:

– sotuvchining Platformaga kirish uchun foydalangan IP-manzili;

– Platformaga kirish uchun sotuvchi tomonidan ishlatilgan brauzer va operatsion tizim turi;

– Platformaga kirish muddatlari;

– sotuvchi ko’rib chiqqan sahifalar va havolalar;

Biz ushbu manzillardan foydalanuvchining shaxsini aniqlash maqsadida foydalanmaymiz, Saytga qilingan hurujlar bundan mustasno.

9. Mualliflik huquqlari va intellektual mulk himoyasi

Mahsulot muallifligi:

- Sotuvchi faqat o‘ziga tegishli yoki muallifning ruxsati bilan joylashtirilgan mahsulotlarni sotishi mumkin.

- Plagiat yoki ruxsatsiz foydalanish aniqlansa, mahsulot platformadan o‘chiriladi(yoki haqiqiy muallifning xohishiga ko'ra uning Soff.uz'dagi profiliga o'tkazib berilishi mumkin), takroriy holatda sotuvchining akkaunti bloklanishi mumkin.

Mualliflik huquqlarini buzish bo‘yicha shikoyat tizimi:

- Agar biror shaxs o‘ziga tegishli mahsulot boshqa sotuvchi tomonidan joylashtirilganini aniqlasa, shikoyat yuborish imkoniyati ega. Shikoyat bo'limi mahsulot batafsil sahifasida mavjud.

- Shikoyatlar ko‘rib chiqilishi muddati – 3 ish kuni.

10. Xaridorlarni himoya qilish (Refund Policy)

Mahsulotga nisbatan shikoyat

- Mahsulot xaridor hohlagani kabi bo'lmasa, xaridor o'z fikrlarini mahsulotning izohlar bo'limida qoldirishi yoki jiddiy holatlarda platforma ma’muriyatiga shikoyat qilish huquqiga ega. Shikoyat bo'limi mahsulot batafsil sahifasida mavjud.

- Sotuvchi mahsulotni noto‘g‘ri joylashtirgan yoki sifatli yetkazmagan bo‘lsa ya'ni foydalanishga yaroqsiz deb topilsa, platforma mamuriyati ushbu mahsulotni o'chirib tashlashi huquqiga ega.

10. Xaridor va sotuvchilar o‘rtasidagi baholash tizimi

Baholash va sharhlar:

- Xaridor xarid qilgan mahsulotiga yulduzli baho (⭐️) va fikr-mulohaza qoldirish imkoniyatiga ega. Baholar sotuvchilarning ishonchliligini aniqlashda yordam beradi.

Sotuvchilarning reytingi:

- Past baholarga ega sotuvchilar kuzatib boriladi, kerak bo‘lsa, platformadan chetlatiladi.

11. Platforma va sotuvchi o‘rtasidagi shartlar

Mahsulotni o‘chirish huquqi:

- Soff.uz shubhali yoki qonunga zid mahsulotlarni istalgan vaqtda o‘chirish huquqiga ega.

- Agar sotuvchi ko‘p marotaba qoidalarni buzsa, u platformadan chetlatiladi.

To‘lov tizimlari bo‘yicha aniq qoidalar:

- Platforma faqat rasmiy to‘lov tizimlari orqali ishlaydi(masalan, Click, PayMe va boshqalar).

- Qo‘lda yoki boshqa norasmiy usullarda pul olish qat’iyan taqiqlanadi.

12. Soff.uz'ning qonuniy himoyasi

Qonuniy javobgarlik:

- Platforma sotuvchi va xaridor o‘rtasidagi kelishmovchiliklarga to‘g‘ridan-to‘g‘ri javobgar emas, lekin shikoyatlarni ko‘rib chiqish huquqiga ega.

- O‘zbekiston Respublikasi qonunchiligiga muvofiq ravishda xizmat ko‘rsatilishi kafolatlanadi.

13. Qoidalar va shartlarni yangilash

- Soff.uz platformadagi qoidalarni istalgan vaqtda o‘zgartirish yoki yangilash huquqiga ega.

- Rasmiy Telegram kanalida (telegram.me/soff_uz) e’lon qilingan har qanday yangilik yoki o‘zgarish rasmiy hisoblanadi.

- Foydalanuvchilarga shaxsiy profil orqali yetkazilgan bildirishnomalar rasmiy kuchga ega.

14. Platforma obunasi orqali fayllarni taqdim etish va daromadni taqsimlash

14.1. Asosiy tushunchalar

14.1.1. Platforma obunasi (keyingi o'rinlarda – "Obuna") – Xaridorga oylik to'lov evaziga Obunaga kiritilgan fayllarni belgilangan limit doirasida olish huquqini beruvchi pullik xizmat.

14.1.2. Obunachi – Obunani to'lagan va u amal qilayotgan Xaridor.

14.1.3. Obuna davri – Obunachining har bir muvaffaqiyatli to'lovidan boshlanadigan 30 (o'ttiz) kunlik muddat.

14.1.4. Fayl olish – Obunachining Obunaga kiritilgan faylni Obuna limiti hisobidan olishi.

14.1.5. Ball – fayl narxiga qarab unga beriladigan va daromad taqsimotida ishlatiladigan ko'rsatkich.

14.2. Fayllarni Obunaga kiritish

14.2.1. Faylni Obunaga kiritish ixtiyoriy. Sotuvchi o'zining moderatsiyadan o'tgan pullik fayllarini shaxsiy kabinetida Obunaga kiritadi yoki undan chiqaradi.

14.2.2. Fayl Obunadan chiqarilganda bu 30 (o'ttiz) kalendar kundan keyin kuchga kiradi. Shu muddat ichida fayl Obunada qoladi.

14.2.3. Faylni olib bo'lgan Obunachilar fayl Obunadan chiqarilgandan keyin ham undan muddatsiz foydalanish huquqini saqlab qoladi. Bu holat Sotuvchiga qo'shimcha to'lov olish huquqini bermaydi.

14.2.4. Fayl ushbu Oferta yoki Platforma qoidalarini buzgan bo'lsa, Platforma uni Obunadan bir tomonlama chiqarishi mumkin.

14.2.5. Sotuvchi o'z fayllarini Obuna orqali olmaydi, bunday olishlar hisobga olinmaydi.

14.3. Daromadni taqsimlash tartibi

14.3.1. Har bir Obuna to'lovining 50 (ellik) foizi shu Obunachi o'sha Obuna davrida olgan fayllarning Sotuvchilari o'rtasida taqsimlanadi (keyingi o'rinlarda – "Sotuvchilar ulushi").

14.3.2. Taqsimot har bir Obunachining Obuna davri tugaganda, faqat shu Obunachi o'sha davrda olgan fayllar bo'yicha amalga oshiriladi.

14.3.3. Sotuvchilar ulushi fayllarga ballariga mutanosib ravishda bo'linadi. Ball fayl narxiga qarab quyidagicha belgilanadi:

14.3.4. Ballni hisoblashda fayl olingan kundan oldingi 30 (o'ttiz) kun ichidagi eng past narx olinadi. Bu narxni sun'iy oshirish orqali taqsimotdagi ulushni ko'paytirishning oldini oladi.

14.3.5. Bitta fayl uchun bitta Obuna davrida to'lanadigan summa shu fayl narxining 90 (to'qson) foizidan oshmaydi. Chegaradan oshgan qism shu Obunachi olgan boshqa fayllarga ballariga mutanosib qayta taqsimlanadi. Taqsimlanmay qolgan qoldiq va so'mgacha yaxlitlashdan qolgan qoldiqlar Platformada qoladi.

14.3.6. Hisoblangan summa Obuna davri tugagandan keyin Sotuvchining Platformadagi balansiga o'tkaziladi va Platformaning amaldagi qoidalariga muvofiq yechib olinadi.

14.3.7. Obunachi to'lovi Oferta shartlariga ko'ra qaytarilgan bo'lsa, shu to'lov bo'yicha Sotuvchilarga hech qanday summa hisoblanmaydi.

14.3.8. Ball shkalasi va Sotuvchilar ulushi foizi Platforma tomonidan o'zgartirilishi mumkin. O'zgarishlar kuchga kirishidan kamida 10 (o'n) kalendar kun oldin saytda e'lon qilinadi va e'londan keyin boshlangan Obuna davrlariga qo'llaniladi.

14.4. Platforma ulushi (50%) va uning asoslari

14.4.1. Har bir Obuna to'lovining qolgan 50 (ellik) foizi Platformada qoladi va quyidagi xizmatlar hamda xarajatlarni qoplash uchun ishlatiladi:

a) Sun'iy intellekt xizmatlari – Pro va Max tariflari Obunachilariga beriladigan SoffX sun'iy intellekt xizmatining (matn yaratish va boshqa AI vositalari) xarajatlari;

b) Fayllarni saqlash va yetkazish – fayllarni xavfsiz serverlarda saqlash, zaxira nusxalarini yaratish va Obunachilarga uzluksiz yetkazib berish xarajatlari;

v) Mijozlarni qo'llab-quvvatlash – Obunachilar va Sotuvchilarning murojaatlarini ko'rib chiqish, nizolarni hal qilish va texnik yordam;

g) Tizimni ishlatish va rivojlantirish – Platformaning dasturiy ta'minoti, xavfsizligi, server infratuzilmasi va yangi imkoniyatlarni ishlab chiqish;

d) To'lov va soliq xarajatlari – to'lov tizimlari komissiyalari, fiskal cheklarni rasmiylashtirish va qonunchilikda belgilangan boshqa majburiy to'lovlar;

e) Marketing – Obunachilarni jalb qilish, shu orqali Sotuvchilar fayllarining ko'proq Xaridorlarga yetib borishi.

14.4.2. Sotuvchi Obunaga fayl kiritish orqali yuqoridagi taqsimot tartibiga roziligini bildiradi.

15. Platforma obunasi

15.1. Obuna mazmuni

15.1.1. Platforma obunasi (keyingi o'rinlarda – "Obuna") – Xaridorga oylik to'lov evaziga Sotuvchilar Obunaga kiritgan fayllarni tanlangan tarif limiti doirasida olish huquqini beruvchi pullik xizmat.

15.1.2. Tariflar (Start, Pro, Max), ularning narxi, oylik fayl limiti, fayl narxining yuqori chegarasi va qo'shimcha xizmatlar (SoffX sun'iy intellekti) saytda e'lon qilinadi. To'lovdan oldin Xaridor ular bilan tanishib chiqadi.

15.1.3. Obuna davri – har bir muvaffaqiyatli to'lovdan boshlanadigan 30 (o'ttiz) kalendar kun.

15.2. Fayllarni olish

15.2.1. Xaridor faqat Obunaga kiritilgan va narxi tarif chegarasidan oshmaydigan fayllarni olishi mumkin.

15.2.2. Har bir olingan fayl oylik limitdan bitta o'rinni egallaydi. Avval olingan faylni qayta yuklab olish limitni kamaytirmaydi.

15.2.3. Obuna davrida ishlatilmagan limit keyingi davrga o'tmaydi.

15.2.4. Olingan fayldan Xaridor muddatsiz foydalanadi: Obuna tugaganda yoki fayl Obunadan chiqarilganda ham bu huquq saqlanadi.

15.2.5. Fayllar faqat shaxsiy foydalanish uchun beriladi. Ularni qayta sotish, tarqatish yoki boshqa shaxslarga berish taqiqlanadi.

15.3. To'lov va avtomatik yangilanish

15.3.1. Obuna to'lovi Xaridor saqlagan bank kartasi orqali amalga oshiriladi va har bir to'lov uchun fiskal chek beriladi.

15.3.2. Avtomatik yangilanish yoqilgan bo'lsa, Obuna davri tugaganda keyingi davr uchun to'lov kartadan avtomatik yechiladi. To'lov amalga oshmasa, Platforma uni kuniga bir martadan ko'pi bilan 3 (uch) marta qayta urinadi. Shundan keyin ham to'lov o'tmasa, Obuna to'xtatiladi.

15.3.3. Xaridor avtomatik yangilanishni istalgan vaqtda o'chirishi mumkin. Bunda Obuna to'langan davr oxirigacha amal qiladi.

15.3.4. Tarif o'zgartirilganda yangi tarif keyingi Obuna davridan boshlab qo'llaniladi.

15.4. To'lovni qaytarish

15.4.1. To'lov quyidagi ikkala shart bajarilganda to'liq qaytariladi:

a) qaytarish so'rovi to'lovdan keyin 3 (uch) kalendar kun ichida yuborilgan;

b) shu Obuna davrida birorta ham fayl olinmagan.

15.4.2. Obuna davrida kamida bitta fayl olingan bo'lsa, xizmat ko'rsatilgan hisoblanadi va to'lov qaytarilmaydi.

15.4.3. To'lov qaytarilgandan keyin Obuna darhol to'xtatiladi.

15.5. To'lov qanday taqsimlanadi

15.5.1. Obuna to'lovining 50 (ellik) foizi Xaridor shu Obuna davrida olgan fayllarning Sotuvchilariga taqsimlanadi.

15.5.2. Qolgan 50 (ellik) foizi Platforma xizmatlarini ta'minlashga sarflanadi: SoffX sun'iy intellekt xizmati, fayllarni saqlash va yetkazish, mijozlarni qo'llab-quvvatlash, tizimni ishlatish va rivojlantirish, to'lov va soliq xarajatlari.