Moddalarning namligini o'lchash

Газлар, суюқ муҳит ва қаттиқ жисмларнинг намлиги кимё, озиқ-овқат, металлургия, нефт-газ, тўқимачилик саноатида ва бошқа саноат тармоқларидаги ҳамда қурилишдаги кўпгина технологик жараёнларнинг муҳим кўрсаткичларидан ҳисобланади. Хар қандай жисмда намликнинг мавжудлиги унинг мутлақ (абсолют) ҳамда нисбий намлиги билан характерланади. Газнинг мутлақ намлиги дейилганда нормал шароитларда газ аралашмасидаги сув буғи массаси тушунилади. Мутлақ намликнинг бирликлари г/м3 ёки кг/м3. Нисбий намлик дейилганда аралашмадаги сув буғи массаси (ҳажми)нинг шу ҳароратдаги аралашмадаги сув буғининг максимал массаси (ҳажми)га нисбати тушунилади. Нисбий намлик ўлчовсиз катталик, баъзан у фоизларда ифодаланади. Материалдаги нам миқдорини миқдор жиҳатидан харақтерлаш учун иккита катталик — нам сақлами ва намликдан фойдаланилади. Нам жисм массасининг мутлақ қуруқ материал массасига нисбати нам сақлами деб аталади ва қуйидагича ифодаланади: бу ерда, М — нам массаси; Мо — мутлақ қуруқ материалнинг массаси; М1 — нам материалнинг массаси. Намлик жисмдаги нам массасининг нам материал массасига нисбати ифодаланади.