Tahlil metodi asosida izohlar, belgilar va atamalar bilan ishlash

Mazkur metodik ishlanma ona tili darslarida tahlil metodi asosida izohlar, belgilar va atamalar bilan ishlash jarayonini samarali tashkil etishga qaratilgan. Ishlanmada o‘quvchilarning lingvistik tushunchalarni ilmiy asosda anglash, terminlarni to‘g‘ri izohlash hamda matn tarkibidagi grammatik va semantik belgilarni aniqlash ko‘nikmalarini shakllantirish maqsad qilingan.

Dars ishlanmasi zamonaviy pedagogik texnologiyalar asosida ishlab chiqilgan bo‘lib, unda interfaol metodlar, guruhli ishlash, muammoli vaziyat yaratish hamda grafik organayzerlardan foydalanish ko‘zda tutilgan. Tahlil metodi orqali o‘quvchilar matnni tarkibiy qismlarga ajratish, ularning o‘zaro bog‘liqligini aniqlash va umumiy xulosa chiqarish jarayonida faol ishtirok etadilar.