Jigar (Hepar)

Jigar organizmdagi eng katta bez bo’lib, og’irligi katta odamlarda 1500g. Jigar hazm jarayonida, modda almashinuvida va qon ishlab chiqarishda ishtirok etadi. Jigarning rangi qizg’ish bo’lib, yumshoq konsistensiyaga ega. U o’ng qovurg’a ostida va qorin usti sohalarida joylashgan. Mo’tadil holatda jigar qovurg’a ravog’idan tashqariga chiqmaydi. Jigar ikki: silliq va qavariq diafragma yuzasi (facies diaphragmatica) oldinga va yuqoriga qaragan bo’lib, diafragmaning pastki yuzasidagi botiqlikda yotadi. Pastki ichki azolarga qaragan yuza (facies visceralis) pastga va orqaga qaragan bo’ladi. Diafragma va visseral yuzalari yuzalari old tomonda o’zaro birikib, o’tkir pastki qirrani (margo inferior) hosil qiladi. Diafragma va qorinning oldingi devoridan jigarning diafragma yuzasiga sagittal sathda yo’nalgan qorinpardani duplikaturasidan hosil bo’lgan o’roqsimon boylam (lig. Falciforme) uni o’ng va chap bo’laklarga (lobus hepatis dexter et sinister) ajratadi.