RANGTASVIR MASHG ‘ULOTLARIDA BOSQICHLI PORTRET ISHLASH METODIKASI diplom ishi

O’zbekiston umuminsoniy qadriyatlari, ilm-fan, madaniyat va san’at durdonalarini har tomonlama o’rganish va tahlil etish g’oyat muhimdir. O’zbekiston Respublikasi yanada rivojlantirish bo’yicha Harakatlar strategiyasida “uzluksiz ta’lim tizimini yanada takomillashtirish, yuqori malakali kadrlar tayyorlash, umumiy o’rta ta’lim sifatini tubdan oshirish” kabi yo’nalishlar belgilangan. Shu bois tasviriy san’at o’qituvchilarining kasbiy tayyorgarligini rivojlantiruvchi texnologiyalarni ishlab chiqish va uni o’quv amaliyotida qo’llash dolzarb ilmiy masala hisoblanadi. Yurtboshimizning 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasida, Davlat va jamiyat qurilishini takomillashtirish, qonun ustuvorligini ta’minlash, iqtisodiyotni yanada rivojlantirish va liberallashtirish, ijtimoiy sohani rivojlantirish, havfsizlik, millatlararo totuvlik va diniy bagrikenglikni ta’minlash borasidagi faoliyatimizning mazmun mohiyati ta’kidlangan. Shu ustuvor yo’nalishlaridan biri ta’lim, madaniyat, ilm-fan, san’at va sport sohalari masalasidir. Shunday ekan, hozirda tayyorlayotgan kadrlarimiz kasb-hunar kollejlarining va umumta’lim m aktablarning ta’lim standarti mazmunini mukammal o’zlashtirishidir. Bo’lajak mutaxassis o’qituvchi qalamtasvir sohasidagi perspektiva qonun-qoidalari, yorug’ soya nazariyasi, shakllarning konstruktiv tuzilishi va nisbatlari borasida olgan bilimlarini rangtasvir fanida rang bilan ishlash jarayonida va kompozitsiya mavzusi ustidagi mashg’ulotlarda mustahkam-laydilar. So’ng manzara etyudlarini haqqoniy tasvirlash mashg’ulotlari boshlanadi. Bu esa talabadan bevosita ta’lim standartidagi nazariy bilimlarni egallagan bo’lishini taqozo etadi.

Mazkur bitiruv malakaviy ish tasviriy san’atga ixtisoslashtirilgan maktablarning “Rangtasvir” mashg’ulotlarida bosqichli portret ishlash mazmunida bo’lib o’quvchilar o’zlashtirishi lozim bo’lgan nazariy bilimlar, amaliy malaka va ko’nikmalarni uddalashi kerak bo’lgan portret janriga tegishli mavzular yoritilgan, shuningdek, portret ishlashga o’rgatish metodikasi kabi “Rangtasvir” mashg’ulotlarida portret ishlash metodikasi masalalarga qaratilgan.