Yengilmas Armada

1588-yil 8-avgust kuni Angliya va Ispaniya o‘rtasida 1584–1604-yillarda bo‘lib o‘tgan urushlar doirasida o‘z davrining eng kuchli floti bo‘lgan Yengilmas ispan Armadasi mag‘lubiyatga uchradi va amalda dengizlardagi hukmronlikni Angliyaga topshirdi. Yengilmas Armada – ispanchada "(Grande y Felicísima Armada); Ispaniya qirolligining 1588-yili Angliyaga qarshi yuborilgan eng katta harbiy-dengiz flotining nomidir. Flot umumiy hisobda 130 ta kemadan iborat edi. Ular 30 ming kishilik qo‘shin, shundan 19 ming harbiy, 300 ta ot va eshak, shaharlarni qamal qilish uchun kerakli vositalar, shifo chodirlari kabi urush uchun zarur vositlar bilan jihozlangan edi.