Qattiq dori shakllari

Kukunlar, ichiladigan va sirtga ishlatiladigan qattiq dori shakli bo‘lib, sochiluvchi xususiyatga ega. Maydalik darajasiga qarab yirik kukunlar, mayda kukunlar va juda mayda kukunlar bo‘ladi. Kukunlar tarkibiga ko‘ra oddiy va murakkab, miqdoriga ko‘ra taqsimlangan va taqsimlanmagan turlarga bo‘linadi. Taqsimlanmagan kukunlar 50-100 g gacha idishda beriladi. Ular ichish uchun va sirtga qo‘llaniladi. Sirtga oddiy kukunni yozib berishda dori moddaning nomi, maydalanish darajasi, kukunning umumiy miqdori, farmatsevtga dori berish haqidagi iltimos va signaturasi ko‘rsatiladi.