“Xulosalash” (Rezyume, Veer) metodi

Bu interfaol ta’lim metodi murakkab, koʻp tarmoqli va muammoli mavzularni oʻrganishga qaratilgan. Mavzuning turli jihatlari (ijobiy–salbiy tomonlari, afzallik va kamchiliklari, foyda va zarar) alohida tahlil qilinadi. Metod o‘quvchilarda tanqidiy, tahliliy va aniq mantiqiy fikrlashni rivojlantiradi hamda ularga yozma va og‘zaki tarzda o‘z g‘oyalarini tizimli bayon etish va himoya qilish imkonini beradi. Ma’ruza mashg‘ulotlarida individual yoki juftlikda, amaliy va seminar mashg‘ulotlarida kichik guruhlarda bilimlarni mustahkamlash, tahlil qilish va taqqoslash uchun qo‘llaniladi.