Ekstraksion jarayonlar va usullari

Ekstraksiya — suyuq yoki qattiq moddalar aralashmasini maxsus erituvchi yordamida to‘la yoki qisman ajratish jarayoni. Bu jarayonda moddalar ikki faza o‘rtasida muvozanat asosida taqsimlanadi. Ekstraksiya usuli universal, sodda va tezkor bo‘lib, ionlarni ajratish uchun sharoit tanlash va tegishli reaktivlarni qo‘llash imkonini beradi. Ekstraksiya orqali ajratilgan moddalarni aniqlash uchun reekstraksiya, fotometrik, atom-absorbsion, neytron-aktivasion, spektral va polyarografik usullar qo‘llaniladi.