Tabiiy fanlarning shakllanishi va rivojlanishi

Tabiiy fanlar o'zining mazmuni va metodlari bilan o'quvchilarni har tomonlama tarbiyalashda katta imkoniyatlarga ega. Tabiat — dunyo fani va shuning uchun ham tabiiy fanlar darslari o'quv materiali mazmunini yetkazishning yangi metodikasini talab qiladi, uning asosiy maqsadi bilimlar yig'indisini faqat esda qoldirish bo'lib qolmasdan, balki ularning ishonchiga aylantirish hamdir. Ishonch insonlarga, atrof olamga bo'lgan munosabatida, odatlarida, ish yuritishda, xulq-atvorida namoyon bo'lishi kerak. Bunda tabiiy fanlarning turmush bilan aloqasi birinchi o'ringa chiqariladi.