Oligofrenopsixologiya kursi metodlari.

Kuzatish – eng asosiy usullardan bo’lib, u orqali juda ko’p va sifatli psixologik ma’lumotlar yig’iladi. Ammo, har qanday kuzatish orqali kerakli ma’lumotlar olinmaydi. Tegishli, zarur ma’lumotlarni yig’ish, aniq maqsad asosidagi, izchil kuzatishni talab qiladi. Bu usulning asosiy yutug’i shundaki, kuzatish tabiiy sharoitda, tekshiriluvchi bilmagan holda amalga oshiriladi. Buning oqibatida tekshiriluvchi hyech narsadan tortinmagan holda o’zini namoyon qiladi. Ammo bu usulning ham o’ziga xos kamchiligi bor. Bu kamchilik shundan iboratki, tekshiruvchi uchun kerak bo’lgan ruhiy jarayonlar haqidagi ma’lumotlar ko’p vaqt talab qilishi mumkin. Lekin kuzatish muddati ortgan sari olinayotgan ma’lumotlar ko’payib boradi.