Oila pedagogikasi fan sifatida

1. Oila pedagogikasi fanining predmeti, maqsadi va vazifalari.
2. Oila pedagogikasining tarixiy ildizlari. 
3. Oila pedagogikasining ilmiy-tadqiqot metodlari. 
4. Oila pedagogikasining boshqa fanlar bilan aloqasi. 
5. Oila pedagogikasining ilmiy-tadqiqot metodlari.

Oila va undagi tarbiya usul, vosita va omillari ko‘proq yozma pandnomalarda; Kaykovusni «Qobusnoma», «Saodatnoma», Zahiriddin Muhammad Boburning «Boburnoma»si, «To‘ti shohnoma», «Odobnoma» kabilarda oila muammosiga doir masalalar ilmiy va nazariy, amaliy jihatdan asoslab berilgan. Mutafakkir va ma’rifatparvarlarni ijodiy faoliyatida oila muammosi asosiy o‘rin egallagan. Buning sababi bo‘lajak oila pedagogikasi fanini mazmundorligini ta’minlovchi badiiy adabiyot, san’at asarlari, milliy meros va umuminsoniy qadriyatlardir.

Unsurul maoniy Kaykovus «Qobusnoma» pandnomasida o‘z farzanding sening haqingda qanday bo‘lishini tilasang, sen ham ota-onang haqida shunday bo‘lgil, nedinkim sen ota-onang haqida ne ish qilsang, farzanding ham sening haqingda shundoq ish qilur, chunki farzand mevaga, ota-ona mevali daraxtga o‘xshaydir» deb yoshlarni ota-onasini hurmat qilishga e’zozlashga, mehr-oqibatli bo‘lishga da’vat etadi. Ota-ona o‘z farzandi uchun hatto o‘limga ham tayyorligini ta’kidlaydi. Har bir farzand oqil va dono bo‘lsa, ota-ona mexr-muxabbatini ado etmakdin bosh tortmaydi.