Jahon ta'limi tizimi taraqqiyoti darslik

Mazkur darslik “Jahon ta’limi tizimi taraqqiyoti” fanining mazmun-mohiyatini yoritib

berishga bag‘ishlangan bo‘lib, unda jahon ta’lim makonida kechayotgan tarixiy rivojlanish

bosqichlari, zamonaviy global tendensiyalar, ta’lim siyosati va strategiyalari, shuningdek, milliy

va xalqaro ta’lim tizimlarining qiyosiy tahlili keng va tizimli yoritilgan.

Darslikda Yevropa, Osiyo, Amerika va MDH mamlakatlari ta’lim tizimlarining o‘ziga xos

xususiyatlari, ularning rivojlanish omillari, ta’limni boshqarish modellari hamda ta’lim sifatini

baholash mexanizmlari ilmiy tahlil va aniq statistik ma’lumotlar asosida bayon etilgan. Xususan,

UNESCO, OECD, Jahon banki va boshqa nufuzli xalqaro tashkilotlarning so‘nggi hisobotlari,

reytinglar va indikatorlari tahlil qilinib, global ta’lim jarayonlaridagi ustuvor yo‘nalishlar yoritib

berilgan.

Darslikda ta’limning globallashuvi, raqamli transformatsiya, kompetensiyaga asoslangan

yondashuv, inklyuziv ta’lim, hayot davomida ta’lim va ta’limning barqaror rivojlanishi kabi

dolzarb masalalar zamonaviy pedagogik yondashuvlar nuqtayi nazaridan yoritilgan.

Shuningdek, O‘zbekiston ta’lim tizimini rivojlantirish bo‘yicha qabul qilingan davlat dasturlari,

strategiyalar va normativ-huquqiy hujjatlar jahon tajribasi bilan uyg‘un holda tahlil qilingan.

Mazkur darslik nazariya va amaliyot uyg‘unligi tamoyili asosida yaratilgan bo‘lib, unda

mavzular mantiqiy ketma-ketlikda, grafiklar, jadval va diagrammalar yordamida tushunarli

tarzda bayon etilgan. Har bir bob oxirida nazorat savollari, tahliliy topshiriqlar va mustaqil ta’lim

uchun vazifalar keltirilgan bo‘lib, bu talabalarning tanqidiy fikrlashi, zehniyati, tafakkuri va

qiyosiy tahlil ko‘nikmalarini rivojlantirishga xizmat qiladi.

Darslik oliy ta’lim muassasalari talabalari, magistrantlar, doktorantlar, shuningdek, ta’lim

sohasi mutaxassislari va tadqiqotchilar uchun mo‘ljallangan bo‘lib, u jahon ta’limi

taraqqiyotining bugungi holati va istiqbollarini chuqur anglashga ko‘maklashadigan zamonaviy,

ilmiy va amaliy ahamiyatga ega manba hisoblanadi.