Baslawısh tálim MTS mazmunı tiykarın belgileytuǵın kórsetkishler oqıwshılardıń tayarlıq dárejesine qoyılatuǵın minimal talaplar

Ózbekstan Respublikası mámleket ǵárezsizligine eriskennen keyin ekonomikalıq hám de social rawajlanıwdıń ayrıqsha jolına iye boldı. Ǵárezsizlik faktorı bilimlendiriw tarawın da túpten jańalaw zárúrligin payda etti. Ózbekstan Respublikasınıń “Tálim tuwrısında”ǵı nızamı hám de “Kadrlar tayarlaw milliy baǵdarlaması talapları” tiykarında tálimniń maqseti, wazıypaları, mazmunı, forması, quralları hám de principleri tańlanıwı birinshi dárejeli mútajlikke aylandı. Nátiyjede 1999-jılda ulıwma orta bilim beriwdiń mámleket standartları tastıyıqlandı. Mámleket tálim standartları ulıwma orta, orta arnawlı, kásip-óner hám joqarı tálim mazmunına hám de sapasına qoyılatuǵın talaplardı belgilep berdi.