BOSHLANG’ICH SINFLARDA NAFOSAT TARBIYASI

Mavzuning dolzarbligi. O’zbekiston Respublikasining ta’lim sohasidagi strategik rivojlanish yo’nalishlarida shaxsni har tomonlama kamol toptirish, uning ma’naviy, intellektual va estetik salohiyatini rivojlantirish ustuvor vazifalar sifatida belgilangan. Jumladan, 2020 - yildagi O’zbekiston Respublikasining “Ta’lim to’g’risida”gi Qonuni, “Maktabgacha ta’lim va tarbiya to’g’risida”gi Qonuni hamda “2019-2023 yillarda O’zbekiston Respublikasida maktab ta’limini rivojlantirish konsepsiyasi” kabi normativ-huquqiy hujjatlar o’sib kelayotgan avlodni ma’naviy-estetik jihatdan tarbiyalashga alohida e’tibor qaratishni talab etadi. Ushbu vaziyatda boshlang’ich ta’lim pog’onasida nafosat tarbiyasini to’g’ri yo’lga qo’yish masalasi o’ta muhim va dolzarb ahamiyat kasb etadi.