Boshlang'ich sinf tarbiyaviy tadbirlarda Yusuf Xos Hojibning "Qutadg'u bilig" asaridan foydalanish

Zamonaviy ta’lim tizimida yoshlarni milliy qadriyatlar va umuminsoniy axloqiy me’yorlar asosida tarbiyalash masalasi tobora dolzarb ahamiyat kasb etmoqda. Globallashuv jarayonlari, axborot-kommunikatsiya texnologiyalarining jadal rivojlanishi va madaniyatlararo muloqotning kengayishi sharoitida milliy o’zlikni anglash, ajdodlar merosiga hurmat, halollik, adolatlilik va ilmga intilish kabi fazilatlarni yoshlarga singdirish zarurati yanada ortmoqda. Aynan shu munosabat bilan qadimiy turkiy adabiy merosning nodir durdonasi hisoblangan Yusuf Xos Hojibning “Qutadg’u Bilig” (“Saodatga yo’llovchi bilim”) dostoniga pedagogik jihatdan murojaat etish zaruriyati paydo bo’ladi.