MOYLI URUG‘LARNI TOZALASH, NAMLIGI BO‘YICHA KONDITSIYALASH. MOYLI URUG‘LARNI CHAQISH HAMDA MAG‘IZNI PO‘STLOQDAN AJRATISH.

Moyli urug‘lardagi chiqindilar va ularning xarakteristikasi, chiqindilarning qayta ishlashga salbiy ta’siri. Moyli urug‘larni (konditsiyalash) quritishning asosiy usullari. Moyli urug‘larni chaqish va mag‘izni qobiqdan ajratish. Yog‘-moy korxonalariga keltirilayotgan moyli urug‘lar, jumladan paxta chigiti tarkibida turli aralashmalar, iflosliklar bo‘ladi. Moyli urug‘lardagi barcha aralashmalar (mineral va organik), moyli va metall aralashmalarga bo‘linadi. Joriy etilgan standartlardagi tovarlarning sinflanishi bo‘yicha “iflos aralashmalar” deb, yirik urug‘lar (chigit, kungaboqar, soya, danakli urug‘lar va boshq.) uchun diametri 3 mm dumaloq teshikli elakdan “o‘tuvchi” fraksiya qabul qilingan. Mayda urug‘lar (zig‘ir, kunjut, kanop va boshqa.) uchun esa – 1 mm elakdan o‘tadigan jinslar tushiniladi.