QO'SHILISH VA QO'SHIB OLISHLARNING JAHON TAJRIBASI: MOTIVATSIYA FAOLLIK VA RENTABELLIK

Global iqtisodiyot sharoitida kompaniyalar raqobatbardoshligini oshirish, yangi bozorlarni egallash hamda resurslardan samarali foydalanish uchun turli strategiyalardan foydalanadi. Shunday strategik vositalardan biri — qo‘shilish va qo‘shib olishlar (Mergers and Acquisitions — M&A) hisoblanadi. Zamonaviy korporativ rivojlanishda M&A jarayonlari kompaniyalar o‘sishining muhim instrumentiga aylangan. Ko‘plab yirik korporatsiyalar o‘z faoliyatini kengaytirish uchun organik o‘sish bilan bir qatorda aynan qo‘shilish yoki boshqa firmalarni sotib olish strategiyasidan foydalanadi.