Sheńber boyınsha qozǵalıs. Máseleler sheshiw_5E

Random:	Oyınǵa kiriw ushın QR kodtı skanerleń yamasa ústin basıń. Ashılǵan betti tolıq ekran qılıń.

Random arqalı ózińizge soraw hám máselelerdi tańlap alıń.

1. Velosiped dóńgelegi bir minutta 120 ret aylansa, aylanıw jiyiligi hám dáwirin tabıń.
2. Saattıń minut strelkası aylanıw dáwiri sekund strelkası aylanıw dáwirinen neshe ret parıq qıladı?
3. Shıǵır 10 minut ta 20 ret aylanadı, onıń aylanıw dáwirin tabıń.
4. Minutına 1200 ret aylanatuǵın motor valınıń aylanıw jiyiligin tabıń.
5. Jerdiń óz kósheri átirapında aylanıw dáwiri 24 saatqa teń. Ol 144 saatta óz kósheri átirapın neshe ret aylanadı?
6. Dóńgelektiń hár bir aylanıwında avtomobil 2 m aralıqtı basıp ótedi.Eger dóńgelek úsh sekundta 24 ret aylanatuǵın bolsa, usı waqıtta avtomobil qansha aralıqtı basıp ótedi? Bunda mashina qanday tezlik penen qozǵalǵan?
7. Avtomobil dóńgelegi 2 minutta 400 ret aylansa, onıń aylanıw jiyiligi hám dáwirin tabıń.
8. Vertolyot pátpelegi aylanıw dáwiri 0,02 s bolsa, 10s ta neshe ret aylanadı?
9. Vertolyot pátpelegi 0,5 minutta 600 ret aylansa, onıń aylanıw dáwirin tabıń?
10. Eki velosipedshi aylanba jolda bir waqıtta 5 m/s hám 3 m/s tezlik penen qozǵala basladı. Aylanba jol uzınlıǵı 75 m bolsa, olardıń hár biri usı aralıqtı qansha waqıtta tolıq aylanadı?
11. Uzınlıǵı 30 km bolǵan aylanba joldıń bir noqatınan eki avtomobilge bir waqıtta hám birdey baǵıtta qozǵalıwǵa start berildi. Birinshi avtomobildiń tezligi 90 km/h bolıp, ol aylanba joldı ekinshi avtomobilden 10 minut kesh basıp ótti. Ekinshi avtomobildiń tezligin tabıń.