Sestiń hár túrli ortalıqlarda tarqalıwı

“Sherigińdi tap” metodı

• “BBB” metodı: Temanı bekkemlew ushın oqıwshılarǵa aldınnan tayarlanǵan tómendegishe tarqatpa materiallar tarqatıladı. Bul metod arqalı oqıshılardıń sabaq ótpesten dáslep qanday bilimge iye ekenligi, sabaq barısında nelerdi úyrengeni hám nelerdi biliwdi qáleytuǵının anıqlayman.

1. Sestiń 20ºC daǵı tezligi 343 yaki 1235 qa teń.
2. Ses tezligi 10ºC da 337,3 m/s, 0ºC da 331,5 m/s, 30ºC da 348,9 m/s hám 50ºC da 360,3 qa teń.
3. Sestiń suwdaǵı tezligin birinshi ret 1826-jılı J. Kolladon hám Ya. Shturm Shveycariyadaǵı Jeneva kólinde ólshegen.
4. Tek suwda payda etilgen sestiń 99,9% suw qáddinen izine qaytıp ketedi.

• “Aqılıy hújim” metodı: Oqıwshılarǵa sorawlar beriw arqalı olardıń bilimin jánede bekkemleymen.

1. Ne sebepten kózi jaqsı kórmeytuǵın adamlardıń qulaǵı sezgir boladı?

2. Ses qaysı payıtta uzaqqa baradı: ıssı kúnde me yaki suwıq kúnde me? Sebebin túsindiriwge háreket etiń.

3. Robert Boyl qanday tájiriybe ótkergen?

4. Qanday ortalıqlarda sestiń tarqalıw tezligi joqarı boladı?

5. Sestiń hawada tarqalıw tezligin birinshi ret kim ólshegen?