Bosh va surish harakat yuritmalarining kinematik sxemalarini ishlab chiqish

Bosh yoki surish harakat yuritmalarining kinematik sxemasini ishlab chiqishda qabul qilingan struktura asos hisoblanadi. U bo‘yicha ko‘paytuvchi guruhlar soni va har bir guruhdagi uzatmalar soni, guruhlarning yuritmadagi konstruktiv joylashish tartibi va kinematik taqsimlanish tartibi aniqlanadi. Bittalik uzatmalarning soni va ularning yuritmada konstruktiv joylashishi stanok prototipi bo‘yicha uning kinematik sxemasining o‘ziga xos xususiyatlaridan kelib chiqqan holda aniqlanadi. Kinematik sxemalarni bajarishda ГОСТ 2.770–98 ga, kinematik sxemadagi elementlarning shartli belgilarini bajarishda esa ГОСТ lar 2.701–98, 2.703–98 va 2.721–94 ga amal qilish kerak.