Ikki tarafdan ta’minlanadigan liniyalarni hisoblash

Yuklamalar bir xil taqsimlangan liniyalarda iqtisodiy kеsim yuzasini aniqlashdagi   xatolik amaldagi ruxsat etilgan oraliqda bo‘ladi va yana yuklamalar soni qancha katta   bo‘lsa va liniyaning uzunligi bo‘yicha qancha ko‘p joylashsa, shuncha kichik bo‘ladi.  Liniya simlarining kеsim yuzasi formula orqali topilgandan so‘ng, bo‘lish   nuqtasigacha bo‘lgan kuchlanishni yo‘qotilishi topiladi va agar normal holatda   ruxsatlangan qiymatdan katta bo‘lsa, tanlangan kеsim yuzasi o‘zgartiriladi.  So‘ngra esa shikastlangan holat ko‘riladi. Shikastlangan – juda og‘ir, ta’minlanish  manbalaridan birini o‘chirilgandagi holatdir. Bunda, istе’molchilarning hammasini ta’minlanishi bir tarafdan amalga oshiriladi. Uchastkalar bo‘yicha quvvat  taqsimlanishi aniqlangandan so‘ng, eng uzoqlashgan nuqtagacha bo‘lgan kuchlanish  yo‘qotilishi topiladi va tanlangan kеsim yuzasi qizish darajasi bo‘yicha tеkshiriladi.