Yurak qon-tomir sistemasining yosh xususiyatlari va gigiyenasi

Yurak qon-tomir sistemasining yosh xususiyatlari va gigiyenasi

Yurak - (cor) konus shaklidagi kovak organ bo’lib, og’irligi gavda og’irligining 0,4-0,5% ini tashkil etadi, voyaga yetgan odamlar yuragining vazni taxminan 220-300 g. Yurak ko’krak bo’sh-lig’ida joylashgan. Yurakning 2/3 qismi tananing o’rta chizig’idan chapda, 1/3 qismi esa shu chiziqning o’ng tomonida joylashgan, yurakning qon tomirlar chiqadigan qismi (yurak tubi) yuqoriga, orqaga va o’nga, unign torayib borgan uchi esa pastga, oldinga va chapga qaragan.

Yurak tashqi tomonda yurak yoni xaltasi-perikard bilan o’ralgan.Perikardning ichki qavati yurakka yopishib turadi va epikard deb ataladi. Perikard bilan epikard o’rtasida yriqsimon bo’shliq bor, unda bir oz seroz suyuqlik bo’ladi. Bu suyuqlik yurak qisqarganda har ikki qavatni bir-biriga ishqalanishidan saqlaydi. Epikard cho’zilmagani uchun yurakning ortiqcha kengayishiga yo’l qo’ymaydi. Epikard tagida yaxshi taraqqiy etgan, pishiq va juda qalin muskul qavati – miokard joylashgan. Miokard ichki tomondan endokard bilan qoplangan.

Odam yurakagi to’rt kamerali bo’lib,bularga o’ng va chap bo’lmalar bilan o’ng va chap qorinchalar kiradi. Yurak uzunasiga tushgan to’siq yordamida ikkiga bo’linib turadi. Shu boisdan yurakning o’ng va chap bo’lmalari va qorinchalari bir-biri bilan aloqada bo’lmaydi. Yurakning o’ng bo’lmasi o’ng qorincha bilan, chap bo’lmasi chap qorincha bilan maxsus (atrioventri-kulyar) teshik yordamida qo’shilgan.