Gelmintlar

Gelmintlar har xil sistematik guruhlarga mansub parazit chuvalchanglar guruhiga kiradi. 5 tipga mansub jonivorlar bor, jumladan monogeneyalar, soʻrgʻichlilar, tasmasimon chuvalchanglar, sestodsimonlar, nematodalar, va qilchuvalchanglar. Ekologik guruh boʻlib, oʻz ichiga xilma-xil jonivorlarni oladi. Parazitlik qilishi xususiyatiga binoan statsionar va fakultativ parazitlarga ajratiladi. Gelmintlar tashqi (ekto-parazitlar) va ichki (endo-parazitlar) parazitlarga ajratiladi va tashqi muhitda (geogelmintlar) va boshqa hayvonlarda (biogelmintlar) rivojlanadi. Jinsiy koʻpayish bilan birga lichinkalik partenogenez ham uchraydi.