Xirurgik bemorlarni tekshirish usullari

Xirurgik bemorlarni tekshirish bosqichlarini bir necha guruhga bo‘lish mumkin: I bosqich — bemorda birlamchi ko‘rik o‘tkazish– bunda shifokor bemorda sub’ektiv va ob’ektiv tekshirishlarni o‘tkazib, dastlabki tashhisni aniqlaydi. II bosqich — bemorda qo‘shimcha tekshirishlarni o‘tkazish. III bosqich — bemorni dinamikada kuzatish. IV bosqich — oxirgi tashhisni qo‘yish. Xirurgik bemorlarni tekshirish sinchkovlik bilan olib borilishi kerak! Asosiy shikoyatlari: Og‘riq shikoyati: og‘riq lokalizatsiyasi; irradiatsiyasi (og‘riqni boshlanish joyi); boshlanish vaqti (kunduzi, kechasi); davomiyligi (doimiy, vaqti-vaqti bilan, xurujsimon); intensivligi (kuchli, kuchsiz, uyqu va ish vaqtiga bezovta qilish yoki qilmasligi); xarakteri (simillovchi, sanchiqli, buruvchi, o‘tmas, o‘tkir, pulsatsiyalovchi va boshq.)