Ақли заифликдаги анатомо-физиологик бузилишлар

Эндоген ва экзоген таъсирларнинг бола миясига таъсири натижасида патолого-анотомик ва физиологик ўзгаришлар ривожланади. Патологик ҳолатнинг шаклланиши патологик таъсирларнинг таъсири килиш вақтига боғлик. Агар зарарли омиллар эмбрион ривожланишининг кейинги даврида таъсир килса фақатгина нерв системаси зарарланади. Патоген омилларнинг хусусияти ҳам катта аҳамиятга эга: моддалар алмашинувини бузилишининг ирсийланиши, инфекцион таъсири, жароҳатлар ва бошқалар. Шунинг билан бирқаторда касаллик жароҳатининг намоён бўлиш дараҷаси ва унинг локализацияси ҳам катта аҳамиятга эга. Эмбриологиянинг таъкидлашича ҳомиланинг бошланиш ривожланиш даврида, зарарли омиллар оғир ва диффуз жароҳатларни келтириб чиқаради. Нерв системасининг зарарланиши билан бирга скелет, мушак, тери, кўзларнинг ривожланишда аномалиялар учраши мумкин. Касаллик ўчоғининг тарқалиши катта ёки кичкина бўлади, бу эса касалликнинг клиник характерида намоён бўлади. Мия морфологиясининг хусусиятлари. Олигофренияда мия фаолиятининг таркибий бузилишига оид ҳолатлар уни