Empirik ko‘rsatkichlarning asosiy holatlari

Sotsiologiya fanini empirik ijtimoiy tadqiqot jarayonisiz tasavvur qilib bo'lmaydi. Empirik so'zi qadimiy yunoncha so`z bo`lib, “tajriba” ma'nosini anglatadi. Empirik ijtimoiy tadqiqot deganda, yangi dastur va uslubiyat bilan amaliy asosda ijtimoiy hayot, hodisa va jarayonlar to'g'risida olingan empirik ma'lumotlarni tahlil qilish, umumlashtirish asosida zarur amaliy takliflar, tavsiyalar ishlab chiqish tushuniladi. Amaliy ijtimoiy tadqiqot jarayonini 4 asosiy bosqichga bo'lib ko'rsatish mumkin. Bu bosqichlarning har biri o'ziga hos hususiyatlarga va muhim jihatlarga ega, shu jumladan, ijtimoiy tadqiqotni tayyorlash va tashkil qilish, asosiy bosqich bo'lib, amaliy tadqiqot ishlari olib borish jarayonini o'z ichiga oladi, empirik ma'lumotlarni qayta ishlash, yakunlovchi bosqich bo'lib olgan ma'lumotlarni tahlil qilish, umumlashtirish, ilmiy hulosalar chiqarish va amaliy takliflar, tavsiyalar ishlab chiqishni o'z ichiga oladi.