Temir-beton suv tashlagich elementlari

Temir-beton suv tashlagichni asosiy elementlarini tayyorlashda B12,5, B15, B20 hamda B25 sinfdagi og‘ir betonlardan foydalanish tavsiya etiladi. Betonning suv o‘tkazmaslik bo‘yicha markalari W4, W6 va muzlashga bardoshliligi bo‘yicha markasi esa, F50…F150 bo‘lishi kerak. Metall to‘rlar tayyorlash uchun Br-1 sinfdagi, diametri 3…5 mm po‘lat simlar tavsiya etiladi. Armatura karkaslar tuzish uchun ishchi armaturalar sifatida A-III sinfdagi issiq holda prokatlangan, davriy profili armaturalar hamda montaj va ko‘ndalang armaturalar sifatida esa A-1 sinfdagi issiq holda prokatlangan silliq po‘lat sterjenlar qabul qilinadi.