Radioapparaturalarni yig‘ish texnologiyalari

Radioapparatlarni ishlab chiqish, o‘rnatish va ta’mirlash jarayonida turli mexanik va elektr montaj operatsiyalarini bajarishga to‘g‘ri keladi. Operatsiya deb detal tayyorlash texnologik jarayonining bitta ishchi yoki bitta brigada bitta ish o‘rnida bitirib tugatgan qismiga aytiladi (masalan, induktivlik g‘altaklarini o‘rash, kavsharlash oldidan detalni tozalash, bosma montaj platasiga kontaktlar o‘rnatish va hokazo). Operatsiya, o‘z navbatida, o‘tish, o‘rnatish va vaziyatlarni o‘z ichiga oladi. O‘tish deb detal yoki yig‘ish birligining bir qismi ustida bitta asbob yoki uskuna bilan bajariladigan operatsiyaning bir qismiga aytiladi (masalan, g‘altakka bitta seksiya o‘rash). Ish jarayonida ishlov beriladigan joy yokiasbob yoxud ishlov berish rejimini o‘zgartirish talab etilganholda navbatdagi o‘tishga zaruriyat paydo bo‘ladi. O‘rnatish — operatsiyaning bir qismi bo‘lib, detalyoki yig‘ish birligini bir marotaba mahkamlab bajariladi(masalan, uchta seksiyani ferrit halqaga o‘rash 2 martao‘rnatilish bilan bajariladi). Vaziyat deb detal yoki yig‘ish birligi bir marta mahkamlanganda ularning asbob, moslama yoki uskunaganisbatan egallagan ma’lum holatiga aytiladi. Radioapparatlar tarkibiy qismlarining quyidagi ta’riflarimavjud.