Publiy Vergiliy Maron hayoti

Rimning eng ulug‘ shoiri Publiy Vergiliy Maron miloddan oldingi 70-yilda Italiyaning shimolidagi Mantuya shahri atrofida tug‘ilgan. Vergiliy oldin Kremonda, keyinchalik Milan, Rim shaharlarida tahsil oladi; ritorika, falsafa bilimlarini, ayniqsa, adabiyotni chuqur o‘rganadi. Biroq tabiatan yumshoqligi, uyatchanligi, notiqlikka qiziqishi va iste’dodining yo'qligidan faqat bir marta sud ishida qatnashib, tez orada o‘z yurtiga qaytib ketadi, bu yerda dehqonchilik qiladi va adabiyot bilan shug‘ullanadi. 41-yilda Oktavian Avgust o‘zining qo'shinini Italiyaning shimoliga joylashtiradi, Vergiliyning mansabdor muxlislari uni imperator bilan tanishtiradilar. Shoir Avgust saftanatiga chuqur samimiyat va xayrixohlik bilan qaragan va o ‘z asarlarida Avgust saltanatini kuylovchi, uning ishlarini tarannum etuvchi ulug‘ saroy shoiri darajasiga ko‘tariladi. Rim eposi asoschisi Vergiliyning «Eneida» dostoni Homer dostonlari bilan tenglashtirilgan.