Agrokimyo xizmatida iqtisodiy, ekologik muammolar va ularni hal etish yo’llari.

Agrokimyo xizmatida iqtisodiy, ekologik muammolar va ularni hal etish yo’llari.

Agroximservis xizmati – qishloq xo‘jalik korxonalariga shartnoma asosida organik va mineral o‘g‘itlar, biologik va kimyoviy vositalarni yetkazib berish, qo‘llash, ishlov berish, sepish, shuningdek agrokimyo kartogrammalari asosida solish va kimyoviy vositalarni qo‘llash bo‘yicha ilmiy asoslangan maslahatlar berish, tuproq unumdorligini oshirishga qaratilgan turli tadbirlarni o‘z ichiga olgan holda barcha agrokimyoviy xizmatlar majmuyidir.

«O‘zkimyosanoat» DAKning tashkiliy huquqiy asoslari. Kimyo sanoat korxonalari va tashkilotlarini boshqarish tizimini takomillashtirish hamda ular faoliyatining iqtisodiy samaradorligini oshirish tarmoq korxonalarini aksiyalashtirish jarayonlarini chuqurlashtirish; mineral o‘g‘itlarni ishlab chiqarishni rivojlantirish; texnika bilan qayta jihozlash va zamonaviylashtirish uchun xorijiy investitsiyalarni keng jalb etish maqsadida 2001-yil 13-martda O‘zbekiston Respublikasi Vazirlar Mahkamasini «Kimyo sanoatini boshqarish tuzilmasini takomillashtirish chora-tadbirlari to‘g‘risida»gi Qarorini qabul qildi. O‘zbekiston Respublikasi Prezidentining 2000-yil 27-dekabrdagi F-1313 – son Farmoyishi bilan tuzilgan kimyo tarmog‘ini boshqarish tizimini va qishloq xo‘jaligini kimyoviy preparatlar bilan ta’minlashni takomillashtirib, ochiq aksiyadorlik jamiyati shaklidagi «O‘zkimyosanoat» davlat aksiyadorlik kompaniyasi tashkil etildi.