Mavzu: Umumta’lim tashkilotlarida alohida ta’lim ehtiyojlariga ega bolalar uchun inklyuziv ta’limni amalga oshirish: istiqbollar va muammolar.

Inklyuziv ta'lim - (frantsuzcha inclusif - shu jumladan), umumiy ta'lim (asosiy) maktablarda alohida ehtiyojli bolalarni o'qitish jarayonini tavsiflash uchun ishlatiladigan atama. Hamma bolalarning ehtiyojlarini hisobga olgan, huquq va qobiliyatlarini hurmat qiladigan, ijtimoiy adolat hamda tenglikka erishishni maqsad qilib olgan ta‘limtizimi inklyuziv ta‘im deyiladi. Inklyuziv ta‘lim nogiron bolalarni ta‘lim jarayoniga integratsiya qilish hamda umumta‘lim maktablarini nogiron bolalarga moslashtirishni ko‘zda tutadigan, ijtimoiy adolat va tenglikni bosh maqsad qilib olgan jarayondir.

 Inklyuziv ta'limning maqsadi alohida ta‘lim ehtiyojlari bo‘lgan o‘quvchilar uchun maktabda maxsus vosita va metodlarni qolllash orqali maxsus pedagoglarni jalb etgan holda to‘siqsiz moslashtirilgan ta‘lim muhitini yaratish, ularning jamiyatga samarali moslashuvi hamda to‘laqonli uyg‘unlashuviga xizmat qiladigan sifatli umumiy o‘rta ta‘lim berishni ta‘minlashdan iborat. Maktablar alohida ta‘lim olish ehtiyoji bo‘lgan bolalar va ularning ota-onalariga korreksion pedagogik yordam olishida va kasbga yo‘naltirishda har tomonlama yordam ko‘rsatadi.