Amaliyot hisobot Samarqand viloyati Samarqand shahar Iqtisodiyot va moliya bo'limi

Samarqand viloyati Samarqand shahar Iqtisodiyot va moliya bo'limi


Kirish

     Bugun Yangi O'zbekiston hayotining barcha sohalari chuqur islohotlar maydoniga aylangan. Bu jarayonda ijtimoiy sohaning asosi hisoblangan ta'lim tizimidagi o'zgarishlar haqida to'lqinlanib so'zlamaslikning iloji yo'q. Mamlakatimizda so'nggi yillarda ta'lim tizimining barcha bosqichlarini zamonaviy talablar asosida tashkil etish bo'yicha amaliy ishlar hal qiluvchi bosqichga kirdi. Mamlakatda amalga oshirilayotgan ijtimoiy-iqtisodiy islohotlarning innovatsion rivojlanishi ustuvor ravishda o'zida yuqori innovatsion salohiyatni mujassamlashtirgan ta'lim tizimiga yo'naltirilmoqda. Innovatsion salohiyat strategik resurslar sirasiga kirib, u mamlakat taraqqiyotida asosiy manba hisoblanadi. 

    O'zbekiston Respublikasining 28.01.2022 yildagi PF-60-son “2022 — 2026 yillarga mo'ljallangan Yangi O'zbekistonning taraqqiyot strategiyasi to'g'risida” O'zbekiston Respublikasi Prezidentining Farmoni qabul qilindi. Unga ko'ra 21-maqsad: Iqtisodiyot tarmoqlarida barqaror yuqori o'sish sur'atlarini ta'minlash orqali kelgusi besh yilda aholi jon boshiga yalpi ichki mahsulotni — 1,6 baravar va 2030-yilga borib aholi jon boshiga to'g'ri keladigan daromadni 4 ming AQSh dollaridan oshirish hamda "daromadi o'rtachadan yuqori bo'lgan davlatlar" qatoriga kirish uchun zamin yaratish. Makroiqtisodiy barqarorlikni ta'minlash va yillik inflyatsiya darajasini 2023-yilgacha bosqichma-bosqich 5 foizgacha pasaytirish.Davlat budjeti taqchilligini qisqartirish va 2023-yildan yalpi ichki mahsulotga nisbatan uning 3 foizdan oshib ketmasligini ta'minlash.Har bir tuman budjetining kamida 5 foizini "Fuqarolar budjeti" dasturi doirasida aholining takliflari asosida eng dolzarb muammolarni yechishga sarflashni tashkil qilish.Davlat qarzini boshqarishda yiliga yangi jalb qilingan tashqi qarz miqdori 4,5 milliard AQSh dollaridan oshib ketmasligini ta'minlash etib belgilandi.