LINGVOKULTUROLOGIK KONSEPT " HAPPINESS/BAXT"NI INGLIZ VA O‘ZBEK TILLARIDA O‘RGANISHNING NAZARIY ASOSLARI

«happiness/baxt»lingvistik konseptini tahlil qilish uchun avvalo uning etimologiyasini ko'rib chiqamiz. Eng avvalo, quyidagi umumiy masalani hal qilishimiz kerak: so'zning ichki shakli va uning anglatgan tushuncha o'rtasidagi bog'liqlik, ya'ni etimologiya va ma'no mazmuni qanday bog'lanadi. Etimologik lug'atlar konseptning eng qadimiy, arxaik xususiyatlarini aniqlash imkonini beradi, vaqt o'tishi bilan yangi semantik komponentlar qo'shiladi.

Etimologiya (qad. yun. “etymon”- haqiqat, asosiy ma'no va logos - ta'limot, fikr) - lingvistika (solishtirma-tarixiy tilshunoslik) bo'limi, so'zlar (barqaror iboralar va kamroq morfemalar) kelib chiqishini o'rganadi. Shuningdek, so'z yoki morfemaning kelib chiqish tarixini aniqlashda qo'llaniladigan tadqiqot metodikasi va bunday aniqlash natijasi ham etimologiya deyilishi mumkin.