MILLATLARARO MUNOSABATLARNI MUSTAHKAMLASHNING DINIY VA IJTIMOIY-PSIXOLOGIK OMILLARI

MILLATLARARO MUNOSABATLARNI MUSTAHKAMLASHNING DINIY VA IJTIMOIY-PSIXOLOGIK OMILLARI

MUNDARIJA

KIRISH

I BOB. MILLATLARARO MUNOSABATLARNING SIYOSIY, DINIY, IJTIMOIY HAMDA PSIXOLOGIK JIHATDAN O’RGANILGANLIGI…

1.1. Millatlararo munosabatlarning diniy jihatlarini o’rganish

1.2 Millatlararo munosabatlarning shakllanishida diniy e’tiqodning ahamiyati…

1.3. Turli millatlarning o’zga millat vakillariga nisbatan munosabatlari tahlili

I bob bo`yicha xulosa

II BOB. MILLATLARO MUNOSABATLARNING SALBIY KO’RINISHLARI VUJUDGA KELISH SABABLARINI IJTIMOIY-PSIXOLOGIK HAMDA DINIY E’TIQODGA BOG’LIQ TOMONLARINI ANIQLASH

2.1. Millatlaro munosabatlar darajasini tashxis va taxlil qilish usullari

2.2. Psixologik tashxis metodikasi va uni o`tkazish bosqichlari

2.3. Psixologik tashxis metodikasi natijalari tahlili

II bob bo`yicha xulosa

III BOB. TURLI MILLAT VAKILLARINING O’ZARO MUNOSABATLARINI IJOBIY KECHISHINI TA’MINLASH UCHUN OLIB BORILADIGAN PSIXOPROFILAKTIKA ISHLARI

3.1. Bir hududda istiqomat qiluvchi turli millat vakillari bilan olib boriladigan psixoprofilaktik ishlarga texnologik yondashuvlar va uning dasturi…

3.2. Profilaktik ishlarni yakuni va samaradorligi

III bob bo`yicha xulosa

UMUMIY XULOSA VA TAKLIFLAR

FOYDALANILGAN ADABIYOTLAR RO`YXATI

Muhim jihati, ushbu islohotlar inson huquqlari boʻyicha xalqaro standartlar bilan kafolatlangan diniy va millatlararo munosabatlar borasida umumeʼtirof etilgan huquq va erkinliklarni, mamlakatimizdagi hozirgi diniy vaziyatning oʻziga xos xususiyatlari va bevosita Oʻzbekiston sharoitida konfessiyalararo va millatlararo munosabatlar takomillashishining tarixiy sharoitlarini ham e’tiborga olgan holda olib borilmoqda. Ushbu omillarni inobatga olish zarurati mamlakatimizda yashovchi turli millatlar va elatlar vakillari orasidagi oʻzaro doʻstlik va hamjihatlik munosabatlarining muvozanatini mustahkam saqlash, ularning diniy eʼtiqodlari va milliy his-tuygʻularini hurmat qilishni taʼminlashning ahamiyatliligiga asoslanadi.  

       Shunga muvofiq, Oʻzbekistondagi barqarorlikni hamda davlat va jamiyat taraqqiyotini mamlakatda istiqomat qiladigan 130 dan ziyod millat vakillarining oʻzaro totuvligisiz, rasman roʻyxatdan oʻtgan 16 ta din va konfessiya vakillari orasida bagʻrikenglik munosabatlarisiz tasavvur etib boʻlmaydi.

Shuni alohida taʼkidlash lozimki, xalqaro hamjamiyat ham mamlakatimizning millatlararo totuvlik va diniy bagʻrikenglikni taʼminlash borasidagi faoliyatini yuqori baholamoqda va Oʻzbekistonning bu sohadagi tajribasiga katta qiziqish bilan qaralmoqda. 

      Xususan, Oʻzbekiston Prezidenti Sh.M.Mirziyoyevning 2017-yil 19-sentyabrda BMT Bosh Assambleyasining 72-sessiyasida ilgari surgan “Maʼrifat va diniy bagʻrikenglik” deb nomlangan maxsus Rezolyutsiyani qabul qilish tashabbusi muhim xalqaro qaror tariqasida eʼtirof etildi. Mazkur hujjat barchaning taʼlim olish huquqini taʼminlash, savodsizlik va jaholatga barham berishga koʻmaklashish, eng asosiysi, bagʻrikenglik va oʻzaro hurmatni qaror toptirish, diniy erkinlikni taʼminlashga qaratilgani bilan eʼtiborga sazovordir.

Mamlakatimiz hududida yashayotgan millatlar urf-odati va islom dinining madaniy va sivilizatsion merosi, ma'naviy-falsafiy ahamiyatini chuqur o'rganish borasida ishlar sifat jihatidan yangi bosqichga ko'tarildi. Bundan ko'zlangan asosiy maqsad -fundamental ilmiy tadqiqotlar natijalari asnosida diniy bag'rikenglik, millatlararo munosabatlarning tarixiy ildizlarini chuqur o'rganish va uni bugungi kun sharoitida rivojlantirishdan iborat. Bu borada Islom tsivilizatsiyasi markazi, Imom Buxoriy, Imom Termiziy va Imom Moturidiy nomidagi xalqaro tadqiqot markazlari tashkil etildi.

   Shu bilan bir qatorda, tegishli oliy ta'lim muassasalarida sifatli diniy ta'lim olish imkoniyati kengayib bormoqda. O'rta, oliy diniy ta'lim, magistratura, boshlang'ich doktorantura va doktoranturani o'z ichiga olgan diniy ta'limning besh bosqichli tizimi shakllantirildi. Islomiy ta'lim muassasalariga talabalarni qabul qilish kvotasi ikki baravar oshirildi. Shuningdek, Toshkent pravoslav seminariyasi va Toshkent xristian seminariyasi o'quv maskanlari ham o'z faoliyatini davom olib bormoqda.

To'rtinchidan, millatlararo totuvlik va diniy bag'rikenglikni ta'minlash O'zbekiston Respublikasi tashqi siyosatida muhim o'rin egallay boshladi. Hukumat xalqaro tashkilotlar hamda ushbu jabhadagi mutaxassislar bilan konstruktiv muloqot va hamkorlik o'rnatishga katta e'tibor qaratmoqda.

Birlashgan Millatlar Tashkilotining Inson huquqlari to’g’risida Oliy komissari Zeyd Raad Al-Huseyn va Yevropada xavfsizlik va hamkorlik tashkilotining Milliy ozchiliklar bo'yicha Oliy komissari Lamberto Zanierning mamlakatimizga tashrifi mobaynida mazkur sohada olib borilayotgan islohotlar va keng ko’lamli ishlar muhokama qilindi va xalqaro mutaxassislar tomonidan bu sohadagi o'zgarishlarga yuqori baho berildi.