Biologik ta`lim jarayonida foydalaniladigan pedagogik texnologiyalar tasnifi

Kirish. 

Biologik ta`limni tashkil qilish…

I bob. Biologiya darslarini tashkillashtirish.

1.1Biologiyani o`qitish jarayoni texnologiyalari.

1.2Biologik texnologiyalar tasniflari…

II bob. Biologiya darslarida o`yin va mashqlarning ahamiyati.

2.1. Biologiya darslarida didaktik o`yin va mashqlarni qo`llash.

Xulosa

Foydalanilgan adabiyotlar ro`yxati

I bob. Biologiya darslarini tashkillashtirish.

Biologiyani o`qitish jarayoni texnologiyalari

Biologiyani o'qitishda o'quvchilarning bilish faoliyatini individual tarzda tashkil etish asosan darsdan va sinfdan tashqari ishlarda ham foydalaniladi. Masalan, o'quvchilarning uy vazifasini bajarishida ularga tafovutlab yondashish imkoniyatlari mavjud. O'quvchilarga muayyan mavzular bo'yicha kuzatish va tajribalar o'tkazish, ma’ruza va referatlar va turli mavzularda o'tkaziladigan tanlovlar uchun materiallar tayyorlash shular jumlasidandir. Ta’lim-tarbiya jarayonida subyekt-subyekt munosabatlarni vujudga keltirishda o'quvchilarning bilish faoliyatini individual va kichik guruhlarda tashkil etish maqsadga muvofiq. O'quvchilarning bilish faoliyatini individual tashkil etish quyidagi bosqichlardan iborat bo'ladi: 

o'quv topshirig'ining didaktik maqsadini aniqlash; 

mustaqil izlanish maqsadini va maqsadni amalga oshirish yo'llarini aniqlash;

o'z mustaqil ishini tashkil etish; 

o'quv materialini mustaqil o'rganish; 

o'rganilayotgan obyektlami taqqoslash, o'xshashlik va farqlarni, o'ziga xos xususiyatlarni aniqlash; 

olingan natijani loyihalash, uning maqsadga muvofiqligini tekshirish; 

natijani tahlil qilish, tegishli hollarda unga o'zgartirishlar kiritish. 

O'quv topshiriqlarini individual bajarish jarayonida o'quvchilarning aqhy faoliyati jalb etiladi, o'z bilimi, kuchi va qobiliyatiga bo'lgan ishonch ortadi va har bir shaxs o'z imkoniyati darajasida rivojlanadi. Shu tarzda tashkil etilgan bilish faoliyatida vaqtdan unumli foydalaniladi, samaradorlik ortadi. Modulli ta’lim texnologiyasi, hamkorlikda o'qitish texnologiyasining metodlaridan foydalanib tashkil etilgan darslarda o'quvchilarning bilish faoliyati individual tarzda tashkil etiladi. Ta’lim-tarbiya jarayonida darsda o'rganiladigan mavzuning mazmuni e’tiborga olingan holda darsda o'quvchilarning kichik guruhlarda mustaqil ishlashi, o'quv bahslar tashkil etish, aqliy hujum, didaktik o'yinlar, taqdimot, o'z-o'zini baholash, tashrif kabilardan foydalanish, masala va mashqlar yechishni yo'lga qo'yish o'qituvchining diqqat markazida bo'lmog'i lozim. Biologiyani o'qitishda hamkorlikda o'qitish texnologiyasining barcha metodlaridan, modulli ta’lim texnologiyasining o'quvchilarning kichik guruhlarda ishlashiga mo'ljallangan modul dasturlaridan foydalanish shular jumlasiga kiradi