Ko'phad ildizi. Bezu teoremasi. Gomer sxema

Kurs ishi mavzusining dolzarbligi 

«Ta’limning yangi modeli mustaqil fikrlovchi erkin shaxsni tarbiyalaydi» - deyilgan «Kadrlar tayyorlash milliy dasturi» da. Ta’lim tizimida amalga oshirilayotgan islohatlar dasturi bo’lib xizmat qilayotgan «Kadrlar tayyorlash milliy dasturi» modelining birinchi komponenti-shaxsdir. Xuddi mana shu shaxsning shakllanishida uning erkin fikrlash imkoniyati asosiy o’rin egallaydi. Mustaqil fikr esa ta’lim jarayonida va jamiyat a’zolari bilan muloqatda vujudga keladi. Axborotlar oqimi jadal harakatda bo’lgan XXI asrda o’quvchi shaxsining muloqot madaniyatini, mustaqil fikrlash salohiyatini uzluksiz tarzda rivojlantirib borish muhim ahamiyatga ega. O’quvchi shaxsining mustaqil fikrlash faoliyatini rivojlantirish uning abstrakt tafakkurini shakllantirish bilan bog’liqdir. Bu vazifani bajarishda o’quvchilarga ilmiy bilim metodlari va usullari haqida tasavvur hosil qilish muhim ro’l o’ynaydi. Bu hol o’quvchilarning mustaqil ijodiy bilim malakalarini rivojlantiradi, ular bilimlar mantiqiy yo’l bilan egallash sirlarini o’rganadilar. Matematika fanining deduktiv asosida qurilganligining guvohi bo’ladilar. Shu bilan o’quvchilar o’z oldilarida turgan masalalarni turli yo’llar, metodlar bilan hal qilishning imkoniyatlariga ega bo’ladilar (1,2,3) Birinchi Prezidentimiz I.A. Karimovning «Tafakkur» jurnali bosh muharririning savollariga berilgan javoblarida qayd etadiki, «... ta’lim-tarbiya tizimini o’zgartirmasdan turib ongni o’zgartirib bo’lmaydi. Ongni, tafakkurni o’zgartirmasdan turib esa biz ko’zlagan oliy maqsad, ozod va obod vatan jamiyatni barpo etib bo’lmaydi. Ko’rib turganimizdek bularning barchasi bir-biri bilan zanjir kabi bog’liq masaladir. Islohatlarning taqdiri va samarasi birinchi navbatda kadrlarning savoliga ularning zamon va taraqqiyot talablariga nechog’liq javob berishga taqalib kelar edi» (1,2) Bugungi kunda o’quvchilarni muammoli o’qitish milliy va umuminsoniy qadriyatlar o’z an’analarimiz asosida qayta tiklashni talab etadi. Bu Kurs ishda asosan ko’phadlar va uning tarkibiy qismi bo’lgan simmetrik ko’phadlar va simmetrik ko’phadlarning amaliy ahamiyati haqida fikr yuritiladi. Ma`lumki, biz elementar matematika kursida va algebra va sonlar nazariyasi fanini o’rganganda chiziqli algebraik tenglamadan to to’rtinchi darajali algebraik tenglama va tenglamalar sistemasini yechishni qarab chiqqan edik. Ammo yuqori darajali tenglamalar yoki tenglamalar sistemasini yechish esa ancha qiyinchiliklar tug’dirishini ham bilamiz. Bu haqda hatto buyuk Norvegiyalik matematik Nils Abels o’zining quyidagi qimmatli fikrini bayon qilgan edi, ya’ni “ beshinchi va undan yuqori darajali tenglamalarni cheksiz sondagi amallar : qo’shish, ayirish, ko’paytirish, bo’lish va ildizdan chiqarish yordamida yechish formulasi mavjud emas “. Bu Kurs ishda asosan yuqori darajali tenglamalar sistemasini yechishda tenglamalar darajalarini simmetrik ko’phadlar, simmetrik funksiyalar yordamida pasaytirib yechish ishning asosiy dolzarb vazifasi qilib belgilangan.

    Kurs ishining obyekti va predmeti. Matematika kursini o‘qitish jarayoni obekti bo‘lsa, predmeti esa matematika kursida “Bir o`zgaruvchili va bir jinsli ko`phad. Ko`phadlar ustida amallar mavzusini o`qitish metodikasi”ini o‘qitishning maqsadi, mazmuni, metodlari, vositalari va shakllaridan iborat.          Kurs ishining maqsadi va vazifalari. Ushbu Kurs ishning mavzusiga oid barcha adabiyotlarni to’plash va shu vaqtgacha to’plangan bilimlar asosida ko’phadlar nazariyasi, ayniqsa simmetrik ko’phadlar hamda ularning elementar matematikadagi tadbiqlarini yanada mukammalroq o’rganish katta ahamiyatga ega bo’lib, bu esa kelajakda ko’phadlar va ularning tadbiqlarini ilmiy nuqtai nazardan yanada atroflicha o’rganishda va tasavvur hosil qilishda katta ahamiyatga ega bo’ladi deb o’ylayman. Fan va texnikada uchraydigan ko'pgina masalalar oxir- oqibatda ko'phadning ildizlarini va haqiqiy ildizlar sonini hamda ularni joylashish oraliqlarini topishga keladi. Shu sababli ham ko'phadning haqiqiy izlari sonini aniqlash va ular joylashgan oraliqlarni tolish oily algebraning muhim masalalaridan birini tashkil etadi.                                                               

Kurs ishi tuzilmasining tavsifi.  Ushbu Kurs ishi kirish, 2 ta bob 4 ta paragraf, xulosa va foydalanilgan adabiyotlar ro'yxatidan tashkil topgan.